Pasqua 2020. "Pasqua ccu ‘u Covid-19" nei versi di Rita Ferragina

La professoressa Rita Ferragina

---

  11 aprile 2020 19:37

Per i lettori de La Nuova Calabria la Pasqua in versi nella poesia della prof Rita Ferragina

Pasqua ccu ‘u Covid-19

Focu meu bruttizzi amari

comu chistu nun c’è pari

si u vidi arretu e avanti

prima ‘ngrizzuli e poi scanti

 

Cosa brutta cchì ruvina

si t’acchiappa ti cucina

de culura è avvampatu

tuttu ‘e pedi ‘cunturnatu

 

Porta puru ‘a curuna

e si suca ogni perzuna

comu u ‘rre vo ma cumanda

mentra a l’atru mundu manda

 

Ricchi e poveri sunnu i stessi

ca i lassa tisi e gessi

senza m’ava nuddhru scornu

prestu caccia tutti ‘e tornu

 

Picciriddhru e cuvatusu

fa ‘u patruna nun è scurnusu

e ti joca brutti tiri

ca ti si suca puru i rispiri

 

Ma cchi Pasqua n’arrivau

tutti e parta ni cacciau

senza Chiesi e processioni

ni guardamu dintra i funzioni

 

Suli suli rumpimu l’ova

nu regalu ma si trova

‘a cuzzupa ni mangiamu

e a festa ccussì passamu

Rita Ferragina