A “quarantena” do Coronavirus, la poesia della prof Ferragina

di RITA FERRAGINA*

Cchi patimmi bona genta                                                            
mamma mia
c’è nu virus e criditimi
nun ‘nci volia
ammucciati   tutti simu
dintra i casi
nomma ‘ncontri a cummara
ma ti vasi

Si ‘ndavimu paureddhra
de vindira
a novanta vatta ‘u cora
l’hai sentira
troppu fifa sta facendu
de patruna
non risparmia nè u svertu
né u turduna

Si poi guardi ogni tantu
da finestra
tuttu quetu nun c’è nuddhru
a manca o a destra
e preghieri ‘nde facimu
ogni jornu
c’è cui spiffera scongiuri
e tocca u cornu

Arrivandu a ‘nu mumentu
stu malannu
ni mintiru in “quarantena”
‘ntra chist’annu
nun si tratta a stu gir
e jettatura
ma ‘nci vo sulu pacenza
e calatura 

Nuddhru e nui
mai potia certu penzara
ca de sulu  i jornati
avia passara
e si dannu forza
i boni e puru i storti
‘u contagiu è velocia
nun hannu torti 

Ni sentimu tutti affritti
e scunzulati
dintra chiusi
comu tanti carcerati
simu nenta sulu
povari animeddhri
cchi ni vattunu
comu ‘u ventu i gangaleddhri 

Vu ricordu cari mei
tutti ‘ntra casa
e a fortuna
d’ogni mala ma v’arrasa
a Madonna si ’nci penza
de lassù
pemma prega mu ni sarva 
NOSTRU GESU’

*Professoressa di Scienze Umane e di Filosofia

CLICCA QUI