Coronavirus. “Restu ‘ntra casa Nenta facendu”, nuova poesia della prof Ferragina

La professoressa Rita Ferragina

---

  21 marzo 2020 12:36

di RITA FERRAGINA*

Aja lu cui

‘cchi succediu

a nu mumentu

tuttu sgugghiu

nenta nesciuti

ppè’ vuccati e sula

mancu parrati

de’ fatti appurati

 

Comu pistuna

‘ntra casa girandu

vajiu guardandu

 e i cosi acconzandu

pensandu bena

ma mintu ‘ntro mazzu

l’amicu stortu

tiru a lu lazzu

e ‘ppoi mi jettu

a pisu de chjiumbu

subbra u meu lettu

e fazzu nu tumbo

cchi passsatempu

ca ‘nci volia

propria de jorni

avia na gulia

 

Spiandu ‘ntro stipu

cchi allegrizza

mi pizzica ‘a gola

e sentu na stizza

cc‘é nu salatu

ccu a lacrima pura

‘nde mangiu na ‘feddhra

mi godu ‘u sapura

  

M’ammucciu poi a vucca

non sava sapira

mentra ’nzapuru

mancu vidira

mi stuju lu mussu

e non dicu nenta

a panza mia chjna

goda cuntenta

 

 Tantu si dicia

e ‘nuddhru ma senta

u virus e oja

a ‘ttia non t’addenta

si spagna da ’ngorda

a lassa stara

mangiati tutti

senza penzara

 

*Professoressa di Scienze Umane e di Filosofia