La poesia di Rita Ferragina per il Covid-19 e la Fase 2

di Rita Ferragina

Ppè ‘stu Covid e fetunzia

tuttu u mundu si mania

ni cacciau a pacia e tornu

sin de parra notta e jornu

Tantu sgrusciu cumbinau

carcerati ni lassau

non ‘nci fu magu o maguna

ma ni parra e sta sfortuna

Dopu a prima cchi passau

a secunda fasa  arruivau

u periculu c’è ancora

si nu pocu jamo fora

‘Ntra Calabria simu santi

a li strati pocu passanti

ni sapimu regulara

l’ordinanzi osservara

Ccu ‘na maschera mbuddhrati

nasu e vucca attuppati

nomma  mancu si rispira

si poi ‘ncunu s’ava vidira

Ad atri posti i pacci fannu

comu i gnorri cchi non  sannu

vannu ‘nzema  a fujira

vena ‘a guardia e i fa pentira

Tutti stanchi ni sentimu

e volimu ma nescimu

si mi pozzu liberara

sempra fora aju de stara!!!

CLICCA QUI