"Restu a la casa", la nuova poesia della prof Ferragina

di RITA FERRAGINA*

Restu a la casa

u gridu e poi mu vantu

facendu dintra

na cosa ogni tantu

avanti e arretu

vaju frittuliandu

senza l’affannu

puru gattuliandu

acconzu e sconzu

i cionduli  a la storta

nuddhru mi vida

e nun mi ‘nda mporta

ni dicia Conta

‘u nostru Presidenta

“Staciti  dintra

e nun pigghiati nenta”

mancu cchju  ‘a porta

guardu mo ppe casu

tantu null’apru

sempra eu m’arrasu

‘mpingiutu para

nu discu dintra ‘a menta

“restu  la casa”

e…,…,…,…,…,

nun fazzu nenta !

Chjusa ‘ncumpata

nomma ppe’ casu  sventu

si chiama  ‘ncunu

fazzu ca nun sentu

paru accussì

na vera carcerata

speru ca prestu

vegnu liberata!!!

*Professoressa di Scienze Umane e di Filosofia

CLICCA QUI